Հոկտեմբերի 13-ին Ադրբեջանի ավելի քան 100 պետական դոմեն ենթարկվել է լայնամասշտաբ կիբերհարձակման, ինչի հետևանքով պետական կառույցների պաշտոնական կայքերի աշխատանքում արձանագրվել են լուրջ խափանումներ, իսկ մի շարք ռեսուրսներ դարձել են ամբողջությամբ անհասանելի։
Ադրբեջանի հատուկ կապի և տեղեկատվական անվտանգության պետական ծառայության փոխանցմամբ՝ գրոհն իրականացվել է արտասահմանյան հաքերային խմբավորման կողմից։ Այս պահին համապատասխան մասնագետները շարունակում են կիբերանվտանգության վերականգնման և համակարգերի պաշտպանության աշխատանքները։
Միջադեպի ֆոնին սոցիալական ցանցերում լայնորեն շրջանառվում են ենթադրություններ հարձակմանը Թուրքիայի հնարավոր ներգրավվածության վերաբերյալ, սակայն այդ լուրերը պաշտոնական որևէ հաստատում չեն ստացել։
