Չինական Honor ընկերության ստեղծած մարդակերպ ռոբոտը, որին «Կայծակ» են անվանակոչել, վազքի աշխարհի ռեկորդ է սահմանել՝ 100 մետրը հաղթահարելով 9.32 վայրկյանում, հաղորդում է Reuters-ը՝ հղում անելով Չինաստանի պետական հեռարձակողին:
Պեկինում այսօր մեկնարկող Մարդակերպ ռոբոտների համաշխարհային երկրորդ խաղերին պատրաստվող «Կայծակը» փորձնական վազքի ժամանակ զարգացրել է վայրկյանում 14.5 մետր արագություն:
100 մետր վազքի աշխարհի ռեկորդը ջամայկացի Ուսեյն Բոլթինն է, ով Բեռլինում 2009 թվականին անցկացված Աթլետիկայի աշխարհի առաջնությունում այդ տարածությունը հաղթահարել է 9.58 վայրկյանում:
