Արմավիրի մարզի առաջին ատյանի ընդհանուր իրավասության դատարանը կարճել է կարգալույծ հռչակված Ստեփան Ասատրյանի (նախկինում՝ Տեր Արամ քահանա) և Արամայիս Թախմազյանի (նախկինում՝ Տեր Թադե քահանա) հայցերով քաղաքացիական գործերի վարույթները, տեղեկանում ենք Datalex դատական տեղեկատվական համակարգից։
Հայցվորները պահանջում էին անվավեր ճանաչել Ամենայն հայոց կաթողիկոս Գարեգին Բ-ի՝ իրենց կարգալույծ հռչակելու որոշումները և վերականգնել իրենց նախկին պաշտոններում։ Մասնավորապես, Ստեփան Ասատրյանը վիճարկել էր Կաթողիկոսի՝ 2025 թվականի հոկտեմբերի 21-ի թիվ 1042 հայրապետական տնօրինությունը՝ պահանջելով վերականգնել իրեն Սուրբ Հովհաննավանքի հոգևոր հովվի պաշտոնում։
Դատարանը երկու գործերով էլ եզրահանգել է, որ ներկայացված վեճերը ենթակա չեն քննության քաղաքացիական դատավարության կարգով։
