Ե՞րբ կբացվեն «Օլիմպավան»-ի դռները: Այս հարցը երկրորդ ամիսն է՝ տանջում է հարյուրավոր մարդկանց, ծնողների, որ պարտադրված վճարում են վարձը, բայց զրկված են պարապմունքներից: Ուսումնական տարին սկսվում է ու կատարյալ անորոշություն:
Քննչականը «Օլիմպավան»-ի դռները կապարակնքել է հիմնադիր Գագիկ Ծառուկյանին կալանավորելուն պես ու այդպես էլ չի բացում:
Սարգիս Զազյանը իր որդու պարապմունքների ամբողջ տարվա վարձն է վճարել, որ մոտ 200 հազար դրամ է: Տղան խառը մենամարտերի ակումբի մարզիկներից է ու երկու ամիս է զրկված է պարապմունքներից: Մարզիչների ջանքերով տարբեր դահլիճներում պարապմունքներ անում են, «բայց դրա համար չենք վճարել», զայրանում է մեր զրուցակիցը, որ որդուն Աշտարակից էր հասցնում «Օլիմպավան»:
