Եվրոպական 12 երկրի առաջնորդներ հայտարարել են, որ այսօրվա Ռուսաստանը սպառնալիք է Արկտիկայի անվտանգության համար, տեղեկացնում է «Ազատության» ռուսական ծառայությունը։
Առաջնորդներն այս հարցում համաձայնության են եկել Եվրոպական Արկտիկական ֆորումում քննարկման ժամանակ, որը տեղի է ունեցել սեպտեմբերի 13-14-ը Ֆինլանդիայի Ռովանիեմի քաղաքում։
Ֆորումին մասնակցել են Ֆինլանդիայի, Գերմանիայի, Դանիայի, Էստոնիայի, Լատվիայի, Լիտվայի, Ռումինիայի ղեկավարները, Ֆրանսիայի արտգործնախարարը, ինչպես նաև Հունաստանի, Նիդեռլանդների, Շվեդիայի և Լեհաստանի բարձրաստիճան ներկայացուցիչներ։
