ԱԱԾ մեկուսարանում գտնվող ՊԵԿ նախկին նախագահ Գագիկ Խաչատրյանի առողջական վիճակը կտրուկ վատացել է։ «Հրապարակ» օրաթերթի տեղեկություններով՝ երկարատև անկողնային ռեժիմի հետևանքով նրա մոտ առաջացել են պառկելախոցեր, ինչպես նաև առկա է թոքաբորբ զարգանալու լուրջ վտանգ։
Պաշտոնեական լիազորությունները չարաշահելու և առանձնապես խոշոր չափերի հափշտակության մեջ մեղադրվող Խաչատրյանը դատական նիստերին մասնակցում էր պատգարակին պառկած, իսկ վերջին շրջանում առհասարակ ի վիճակի չէ ներկայանալ դատարան։
Պաշտպան Երեմ Սարգսյանը պարբերականի հետ զրույցում հայտնել է, որ թոքաբորբի առկայությունը ստուգելու նպատակով գրավոր դիմել են «Քրեակատարողական բժշկության կենտրոն» ՊՈԱԿ-ին, սակայն պատասխան դեռևս չեն ստացել։
