Հայաստանը չի կատարում Հավաքական անվտանգության պայմանագրի կազմակերպության (ՀԱՊԿ) կանոնադրությամբ ստանձնած պարտավորությունները։ Ըստ ՏԱՍՍ-ի՝ այս մասին հայտարարել է ՌԴ ԱԳ նախարար Սերգեյ Լավրովը՝ հավելելով, որ կազմակերպության անդամ երկրների ղեկավարներին կներկայացվի որոշման նախագիծ՝ Հայաստանին ձայնի իրավունքից զրկելու վերաբերյալ։
Նախարարի խոսքով՝ Հայաստանն արդեն ավելի քան երկու տարի է, ինչ պարտք ունի ՀԱՊԿ-ի բյուջեին, ինչը հիմք է տալիս կիրառելու կանոնադրությամբ նախատեսված համապատասխան հոդվածները։
Հիշեցնենք, որ ավելի վաղ ՌԴ արտաքին քաղաքական գերատեսչության ղեկավարը չէր բացառել նաև Հայաստանին կազմակերպությունից հեռացնելու հարցի քննարկումը՝ կուտակված անդամավճարների չվճարման պատճառով:
