Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ երեկ երեկոյան հարվածել է Տոգոյի դրոշի ներքո նավարկող լցանավի, երբ այն փորձել է «ապօրինաբար անցնել» Հորմուզի նեղուցով, հայտնում է Al Jazeera-ն։
ԻՀՊԿ ռազմածովային ուժերը հայտարարել են, որ հարվածից հետո նավը հրդեհվել է և կանգ առել։ ԻՊՀԿ-ն պնդել է, որ տանկերը փորձել է հատել ջրային ճանապարհը այն բանից հետո, երբ տրվել է ԱՄՆ զինվորականների «սադրանքին» և «խաբվել»։
Կորպուսը հայտարարել է, որ իր նավաստիները շարունակում են վերահսկել ռազմավարական նշանակության այս ուղին և «թույլ չեն տա որևէ ագրեսորի անցնել դրանով»։
