Թուրքիայի Աղետների և արտակարգ իրավիճակների կառավարման վարչության (AFAD) տվյալներով՝ երկրի հարավային նահանգներում կարճ ժամանակահատվածում երեք հաջորդական երկրաշարժ է արձանագրվել։
Ստորգետնյա առաջին ցնցումները գրանցվել են Ադանա նահանգի Սայմբեյլի շրջանում, որտեղ տեղի է ունեցել 4,8 և 4,9 մագնիտուդով երկու երկրաշարժ։ Կարճ ժամանակ անց երրորդ՝ 5,2 մագնիտուդ հզորությամբ ցնցումն արձանագրվել է հարևան Օսմանիե նահանգի Սումբաս շրջանում։
Տեղական իշխանությունների փոխանցմամբ՝ պատահարի հետևանքով ավերածությունների կամ զոհերի վերաբերյալ պաշտոնական տվյալներ այս պահին չեն ստացվել։ Մասնագետները շարունակում են իրականացնել տարածքի մոնիթորինգ։
