Իսրայելը ներկայումս Սիրիայի կայունության համար հնարավոր ամենամեծ սպառնալիքն է, Դամասկոս երկօրյա այցի ժամանակ լրագրողներին ասել է Թուրքիայի արտգործնախարար Հաքան Ֆիդանը:
«Այս պահին Սիրիան ապակայունացնելու ամենամեծ ներուժ ունեցող սպառնալիքը Իսրայելն է։ Բարեբախտաբար, Սիրիային վերաբերող մյուս հարցերը վերջին երկու տարիների ընթացքում դրական ուղղությամբ են շարժվում»,- ըստ թուրքական պետական «Անադոլու» գործակալության՝ ասել է նա:
Ֆիդանը նշել է, որ Սիրիան հանվել է պատժամիջոցների ցանկից, և տնտեսական ներդրումների համար որևէ խոչընդոտ չկա։ «Ահաբեկչական երկրների ցանկից Սիրիային հանելը ևս չափազանց կարևոր էր»,- հավելել է նա:
