Վարչապետ Նիկոլ Փաշինյանը կարծում է՝ առաջիկայում պետք է փոխել թե՛ խմելու, թե՛ ոռոգման ջրի նկատմամբ վերաբերմունքը, ռեսուրսը կառավարելու մոտեցումները ու նաև սակագները:
«Այսօր Հայաստանի Հանրապետությունում ջրի սակագները արտահայտում են մեր վերաբերմունքը ջրի նկատմամբ», - օրերս Դիլիջանում «Ջրային ոլորտի բարեփոխումներ 2026-2031» աշխատաժողովի ընթացքում հայտարարել էր երկրի ղեկավարը. - «Մենք պետք է արձանագրենք, որ իմ նշած շղթան մենք չենք ամբողջացնի, եթե էս ամեն ինչի հիմքում չլինի համակարգի ծախսարդյունավետության բանաձևի որոշում: Առանց դրա պարզապես հնարավոր չէ: Նախ պետք է օբյեկտիվ սակագին որոշել և անդրադառնալ՝ այդ սակագնի որ մասը ով ինչպես պետք է վճարի: Դե ես ուզում եմ մենք հստակ նաև էս տարբերակենք»:
