Հայաստանի Հանրապետության պաշտպանության նախարարության պաշտպանական քաղաքականության և միջազգային համագործակցության վարչության պետ Լևոն Այվազյանը ՊՆ վարչական համալիրում հանդիպում է ունեցել Հնդկաստանի պաշտպանական կառավարման քոլեջի պետ, բրիգադի գեներալ Թաքուր Մայանկ Սինհայի գլխավորած պատվիրակության հետ։
Հանդիպման ընթացքում Լևոն Այվազյանը հնդկական պատվիրակությանը ներկայացրել է Հայաստանի և տարածաշրջանի անվտանգային իրադրությունը, ինչպես նաև պատասխանել հյուրերին հետաքրքրող հարցերին։
