ԱՄՆ պետքարտուղար Մարկո Ռուբիոն պահանջել է իրանական պատվիրակությունից լքել երկիրը՝ բանակցությունների փակուղի մտնելուց հետո։ Երկիրը լքելու պահանջ ներկայացված անձանց թվում է նաև Իրանի արտաքին գործերի նախարար Աբբաս Արաղչին։
Ամերիկյան կողմի փոխանցմամբ՝ ՄԱԿ-ի Գլխավոր ասամբլեան արդեն ավարտվել է, իսկ իրանական պատվիրակությունը չափազանց երկար է մնացել ԱՄՆ-ում, այդ պատճառով նրանց մեկնելու ժամանակն է։
Սպիտակ տանը ենթադրում էին, որ կողմերի միջև երկուշաբթի օրվա ընթացքում բանակցություններում առաջընթաց կգրանցվի, սակայն օրվա վերջում պարզ է դարձել, որ գործընթացը հայտնվել է փակուղում։ Նույն երեկոյան ՄԱԿ-ում ԱՄՆ առաքելությունը, Ռուբիոյի կարգադրությամբ, իրանական կողմին տեղեկացրել է, որ Արաղչիի գլխավորած պատվիրակությունը պետք է անհապաղ հեռանա Նյու Յորքից։
