Թեհրանում կայացած հանդիպման ընթացքում Հայաստանի և Իրանի արտգործնախարարներ Արարատ Միրզոյանն ու Աբբաս Արաղչին քննարկել են երկկողմ ռազմավարական գործընկերության լայն օրակարգ։
Բանակցությունների առանցքում են եղել էներգետիկայի, տրանսպորտի և ենթակառուցվածքների ոլորտներում համատեղ ծրագրերի ընդլայնումը, մասնավորապես՝ Հարավային Կովկասում տրանսպորտային ու տնտեսական ապաշրջափակման նախագծերը։ Կողմերը վերահաստատել են տարածաշրջանային անվտանգության, ինքնիշխանության և տարածքային ամբողջականության սկզբունքների պահպանման կարևորությունը։
