Հայաստանի Հանրապետության արտաքին գործերի նախարար Արարատ Միրզոյանը հեռախոսազրույց է ունեցել Թուրքիայի արտաքին քաղաքական գերատեսչության ղեկավար Հաքան Ֆիդանի հետ։
Երկու երկրների արտգործնախարարները քննարկել են հայ-թուրքական երկկողմ փոխգործակցությանն առնչվող հարցերի լայն շրջանակ։ Զրուցակիցները մտքեր են փոխանակել նաև տարածաշրջանային համագործակցության ընթացիկ զարգացումների, ինչպես նաև միջազգային ու բազմակողմ հարթակներում առկա օրակարգային խնդիրների շուրջ։
Թուրքիայի հետ հարաբերությունների առանց նախապայմանների կարգավորման մասին հայտարարությունների ֆոնին նմանատիպ պարբերական շփումները դեռևս չեն տալիս շոշափելի արդյունքներ, իսկ պաշտոնական Երևանը շարունակում է բավարարվել ընդհանրական ու ձևական հաղորդագրություններով՝ հանրությունից ծածուկ պահելով բանակցությունների իրական բովանդակությունը։
