Ըստ «Հրապարակ» օրաթերթի հրապարակման՝ վարչապետ Նիկոլ Փաշինյանը, աշխատանքային այցով գտնվելով Ֆրանսիայում և մասնակցելով Փարիզի խաղաղության 9-րդ համաժողովին, այնուհետև ուղղակիորեն մեկնելու է Անթալիա՝ մասնակցելու COP31-ին, ինչի հետևանքով բաց է թողնելու Մոսկվայում նույն օրերին կայանալիք ՀԱՊԿ գագաթնաժողովը։
Թերթի փոխանցմամբ՝ Ռուսաստանի և Թուրքիայի միջև ընտրություն կատարելիս ՀՀ իշխանությունները հակված են հօգուտ վերջինիս, անգամ փորձելով սադրել ՌԴ-ին, որպեսզի վերջիններս Հայաստանին դուրս թողնեն ՀԱՊԿ-ից։ Այդպիսով, Երևանը ձգտում է ազատվել կազմակերպությունից դուրս գալու կամ մնալու դիլեմայից՝ հաշվի առնելով նաև վարչապետի այն հայտարարությունը, թե ինքը շատ ուրախ կլիներ, եթե կառույցը որոշեր հեռացնել Հայաստանի Հանրապետությունը։
Այդուամենայնիվ, Մոսկվայում մշակել են կոնտրքայլ. փոխարենը Հայաստանին կազմակերպությունից պաշտոնապես հեռացնելու, որոշում է կայացվելու ՀԱՊԿ-ում Հայաստանին ձայնի իրավունքից զրկելու մասին՝ վերջնական որոշման պատասխանատվությունը թողնելով անձամբ Նիկոլ Փաշինյանի վրա։
