Հայաստանի նախագահ Վահագն Խաչատուրյանն ու Չեխիայի նախագահ Պետր Պավելը մասնակցել են 1988 թվականի Սպիտակի երկրաշարժից հետո Հայաստանին ցուցաբերված չեխական օգնությանը նվիրված միջոցառմանը։
Միջոցառմանը մասնակցել են նաև այն չեխ փրկարարները, որոնք ժամանակին աշխատել են Հայաստանում, և մարդասիրական հանգանակություններ կազմակերպած կառույցների ներկայացուցիչները։
Խաչատուրյանը շնորհակալություն է հայտնել օգնության համար, իսկ չեխ փրկարարները նրան հանձնել են Չեխ փրկարարների շքանշանը՝ որպես բարեկամության և համերաշխության խորհրդանիշ։
