Ռուսաստանի նախագահ Վլադիմիր Պուտինը եռօրյա աշխատանքային այցով ժամանել է Հնդկաստան, հայտնում է «ՌԻԱ Նովոստի»-ի գործակալությունը:
Մայրաքաղաք Նյու Դելիի մոտ գտնվող Պալամի ավիաբազայում նրան դիմավորել է Հնդկաստանի արտաքին գործերի նախարար Կիրտի Վարդան Սինգհը:
Սեպտեմբերի 11-ից 13-ը Ռուսաստանի առաջնորդը Նյու Դելիում կմասնակցի BRICS երկրների գագաթնաժողովին։
Այցի առաջին օրը նա կհանդիպի Հնդկաստանի վարչապետ Նարենդրա Մոդիի հետ։ Բանակցություններից հետո նրանք համատեղ կայցելեն Innoprom.India միջազգային արդյունաբերական ցուցահանդես։ Բացի դրանից՝ Պուտինը, այլ առաջնորդների հետ միասին, ելույթ կունենա BRICS-ի բիզնես ֆորումում։
BRICS-ի 18-րդ գագաթնաժողովի հիմնական ծրագիրը կսկսվի սեպտեմբերի 12-ին։ Գլխավոր միջոցառումը կլինի ասոցիացիայի պետությունների ղեկավարների հանդիպումը։ Ակնկալվում է, որ հիմնական պայմանավորվածությունները կարտացոլվեն համատեղ հռչակագրում։
