Ռուսաստանում շարունակվում են Պետդումայի եռօրյա ընտրությունները։ Ինչպես առաջին օրը, այնպես էլ այսօր կան հաղորդագրություններ այն մասին, որ դիտորդներին, հիմնականում «Յաբլոկո»-ի և Ռուսաստանի Դաշնության կոմունիստական կուսակցության ներկայացուցիչներին, թույլ չեն տալիս մուտք գործել ընտրատեղամասեր։
Սանկտ Պետերբուրգում «Յաբլոկո»-ի դիտորդը այսօր ոստիկանության կողմից բերման է ենթարկվել թիվ 1919 ընտրատեղամասում, հայտնել են կուսակցության մամուլի ծառայությունից։ Ընտրական հանձնաժողովում հայտարարել են, որ նա դիտորդի կարգավիճակ չունի։
