Գյումրու ազգային ճարտարապետության և քաղաքային կենցաղի թանգարանում անցկացվել է «Երեկո թանգարանում» մշակութային ծրագիրը։
Այցելուները շրջայցի ընթացքում ծանոթացել են 19-րդ դարի Ալեքսանդրապոլի առօրյային, ավանդույթներին և քաղաքային մշակույթին՝ թատերական կենդանի տեսարանների միջոցով։
Երեկոյի երկրորդ հատվածում բացօթյա պատմական միջավայրում ելույթ է ունեցել Գյումրու պետական սիմֆոնիկ նվագախումբը՝ համադրելով երաժշտությունն ու քաղաքի պատմությունը։
