Թբիլիսիի կայարանամերձ հրապարակի շրջանում գտնվող հետիոտնային կամրջի վրա բռնկված հրդեհը մեկուսացվել է արտակարգ ծառայությունների ուժերով։ «Sputnik Грузия»-ի փոխանցմամբ՝ դեպքի վայրում աշխատանքները շարունակում են մոտ 10 մարտական հաշվարկ, որոնք իրականացնում են կոնստրուկցիաների հովացման և հրդեհի վերջնական մարման աշխատանքներ։
Տուժածների վերաբերյալ տեղեկատվությունը ճշտվում է, իսկ հրդեհի բռնկման պատճառները պարզելու համար նշանակվել են մասնագիտական փորձաքննություններ։ Միջադեպը ժամանակավոր դժվարություններ է առաջացրել մայրաքաղաքի ամենախոշոր տրանսպորտային հանգույցներից մեկում՝ խաթարելով հետիոտների և երթևեկության բնականոն շարժը։
