Ռուսաստանի Դաշնության նախագահ Վլադիմիր Պուտինը ԱՊՀ երկրների առաջնորդների նեղ կազմով հանդիպման ընթացքում Համագործակցության գործընկերներին հրավիրել է դեկտեմբերի 21-ին Սանկտ Պետերբուրգում կայանալիք ավանդական, նախաամանորյա ոչ պաշտոնական գագաթնաժողովին։
«Իհարկե, բարի ավանդույթի համաձայն, սիրելի՛ բարեկամներ, ցանկանում եմ բոլորիդ հրավիրել Սանկտ Պետերբուրգ՝ դեկտեմբերի 21-ին, որտեղ, ինչպես միշտ, ավանդաբար հավաքվում ենք ոչ պաշտոնական, բարեկամական հանդիպման», - հայտարարել է ՌԴ նախագահը։
Պուտինի խոսքով՝ տարեվերջյան այս հանդիպումը լավ հնարավորություն է անկաշկանդ մթնոլորտում քննարկելու ինչպես ընթացիկ, այնպես էլ հեռանկարային բոլոր հարցերը։
