Ռուսական գազի հնարավոր թանկացումն ու Ադրբեջանին Արարատի մարզի Տիգրանաշեն/Քյարքի համայնքի վերադարձի հարցով հնարավոր հանրաքվեն վարչապետ Նիկոլ Փաշինյանն այսօրվա ճեպազրույցում համեմատեց «Կիկոսի մահվան» հետ:
«Ազատությունը», մասնավորապես, հետաքրքրվել էր՝ հայ-ռուսական լարվածության պայմաններում Ռուսաստանից շարունակվում են գազի թանկացման թեմայով սպառնալիքները, Կենտրոնական բանկի նախագահն էլ դա օրերս «ապոկալիպտիկ» սցենար էր համարել, արդյոք Հայաստանը այլ երկրներից գազ գնելու առարկայական բանակցություններ է վարո՞ւմ: Հաջորդ հարցն էլ Տիգրանաշեն/Քյարքիի մասին էր, թե «երբ ասում է, որ Հայաստանում «Քյարքի» անունով տարածք չկա, բայց այնտեղ Տիգրանաշենն է, իսկ Սահմանադրության համաձայն տարածքային հարցերը հանրաքվեով են լուծվում, արդյոք պատրաստվո՞ւմ է հանրաքվե անել»: Երկու դեպքում էլ Փաշինյանը հղում արեց հայտնի հեքիաթի հերոսին:
