Հայաստանի կառավարությունը ծրագրում է երաշխիքներ տրամադրել խաղողի մթերման համար վերցվող վարկերի մի մասի նկատմամբ։
Էկոնոմիկայի նախարար Գևորգ Պապոյանի խոսքով՝ մեխանիզմը նախատեսված է հատկապես այն ընկերությունների համար, որոնց գրավային հնարավորությունները բավարար չեն։
Այս քայլը պետք է օգնի վերամշակողներին ժամանակին վճարել խաղողագործներին և նվազեցնել մթերման սեզոնին առաջացող ֆինանսական լարվածությունը։
